Эрх бүхий албан тушаалтны буруутай шийдвэрийн улмаас төрд учруулсан хохирлыг барагдуулах, төрийг хохиролгүй болгох асуудлаар санал солилцов

2020-02-12 Дундговь аймаг

Дундговь аймгийн Ерөнхий прокурор, хууль цаазын шадар зөвлөх С.Гансэлэм, Дундговь аймаг дахь Төрийн аудитын газрын дарга, тэргүүлэх аудитор П.Төвсанаа, аймгийн ерөнхий прокурорын орлогч Х.Мөнхбаатар, Төрийн аудитын газрын аудитын менежер Х.Наранцацрал, ЗДТГ-ын дарга, Төрийн албаны Дундговь аймаг дахь салбар зөвлөлийн дарга Ц.Эрдэнэсүрэн, Санхүүгийн хяналт, аудитын албаны дарга Г.Зоригт, Санхүүгийн хяналт шалгалтын улсын ахлах байцаагч Г.Эрдэнэбаатар нар эрх бүхий албан тушаалтны буруутай шийдвэрийн улмаас төрд учруулсан хохирлыг барагдуулах, төрийг хохиролгүй болгох асуудлаар хамтран санал солилцов. Аймгийн Прокурорын газрын дарга С.Гансэлэмийн тушаалаар хамтарсан ажлын хэсэг байгуулж ажиллахаар тохиролцлоо.

Прокурорын байгууллагатай хамтран ажиллах “Санамж бичиг” байгууллаа.

2020-02-04 Дундговь аймаг

Төрийн аудитын газар 2019 онд Дундговь аймгийн Прокурорын газартай хамтран ажиллах “Санамж бичиг” байгуулан, тодорхой үр дүнд хүрэн ажилласан билээ. 2020 онд Прокурорын тухай хууль, Төрийн аудитын тухай хуулиар хүлээсэн чиг үүргийн хүрээнд хуулийн хэрэгжилтийг хангуулж, төрийн албанд ажлын хариуцлага сахилга батыг сахин бэхжүүлэх, хууль зөрчсөн аливаа үйлдэл, үйл ажиллагааг таслан зогсоох, төрийн аудитын байгууллагаас тавигдсан акт, албан шаардлага, зөвлөмжийн хэрэгжилтийг хуулийн хугацаанд нь хангуулж, буруутай этгээдэд хариуцлага тооцож, хуулийн хэрэгжилтийн үр өгөөжийг дээшлүүлэх чиглэлээр хамтарч ажиллахаар дахин “Санамж бичиг” байгууллаа.

2019 оны санхүүгийн тайланд итгэл үзүүлсэн байгууллагуудын "ИТГЭМЖЛЭЛ"-ийг гардуулан өглөө

2020-01-29 Дундговь аймаг

Монгол Улсын Ерөнхий аудиторын баталсан “Санхүүгийн тайлангийн аудитад итгэл үзүүлэх журам”-ын шаардлагыг хангасан Прокурорын газар, Статистикийн хэлтэс, Шүүхийн шинжилгээний алба, Зооноз өвчин судлалын төв, Уламжлалт анагаах ухааны төв, Сайнцагаан сумын 7-р цэцэрлэг, Өлзийт мандал өрхийн Эрүүл мэндийн төв, Газрын харилцаа барилга, хот байгуулалтын газар, Цагдаагийн газарт Монгол Улсын Ерөнхий аудиторын 2019 оны А/60 дугаар тушаалаар 2019 оны санхүүгийн тайланд итгэл үзүүлсэн “ИТГЭМЖЛЭЛ”-ийг Дундговь аймаг дахь Төрийн аудитын газрын дарга, тэргүүлэх аудитор П.Төвсанаа гардуулж гаргасан амжилтаа улам баталгаажуулан ажиллахыг хүслээ.

Шинэ оны мэндчилгээ

2019-12-27 Дундговь аймаг